İşçi əlcəkləri necə seçilməlidir? Əsas növlər və düzgün seçim bələdçisi
İşçi əlcəkləri necə seçilməlidir? Əsas növlər və düzgün seçim bələdçisi
İş zamanı əllər müxtəlif mexaniki, fiziki və kimyəvi risklərlə qarşılaşa bilər. Buna görə qoruyucu iş əlcəkləri fərdi mühafizə vasitələrinin vacib hissələrindən biridir.
Lakin hər iş üçün eyni əlcək uyğun deyil. Düzgün seçim zamanı görülən işin xarakteri, mövcud risklər, tələb olunan qoruma səviyyəsi və istifadə rahatlığı nəzərə alınmalıdır.
Qoruyucu iş əlcəklərinin əsas növləri
İş şəraitindən və qorunma ehtiyacından asılı olaraq müxtəlif növ əlcəklərdən istifadə olunur.
Əllərin sürtünmə, cırılma, deşilmə və digər mexaniki təsirlərdən qorunması üçün istifadə olunur. Tikinti, istehsalat, anbar və müxtəlif fiziki işlərdə geniş tətbiq edilir.
Xırda detallar, alətlər və müxtəlif komponentlərlə işləyərkən əlin çevikliyini və tutuşunu qorumağa kömək edir. Montaj və texniki işlər üçün praktik seçimdir.
Qaynaq zamanı yaranan yüksək temperatur, qığılcım və digər istilik təsirlərindən əllərin qorunması üçün nəzərdə tutulur. Bu əlcəklər yüksək istiliyə davamlı materiallardan hazırlanır.
Neft və yağlara qarşı əlcəklər
Yağ, sürtkü materialları və digər neft əsaslı maddələrlə təmasın olduğu işlərdə istifadə olunur. Avtomobil servisləri, texniki xidmət və sənaye sahələri üçün uyğun modelləri mövcuddur.
İti kənarlı materiallar, metal hissələr və kəsici alətlərlə işləyərkən əllərin qorunması üçün hazırlanır. Xüsusilə kəsilmə riskinin yüksək olduğu işlərdə mühüm qoruyucu vasitədir.
Kimyəvi maddələrlə işləyən zaman əlləri qorumaq üçün istifadə olunur. Bu tip əlcək seçilərkən konkret kimyəvi maddəyə və iş şəraitinə uyğunluğu mütləq nəzərə alınmalıdır.
Əllərin çirklənmədən və müəyyən maddələrlə birbaşa təmasdan qorunması üçün istifadə olunur. Gigiyena və təmizlik tələb olunan müxtəlif işlərdə geniş tətbiq edilir.
Elektrik işləri zamanı elektrik cərəyanından qorunmaq üçün xüsusi olaraq hazırlanmış qoruyucu vasitələrdir. İstifadə zamanı əlcəyin müvafiq standartlara və görülən işin tələblərinə uyğun olması xüsusilə vacibdir.
İstiliyədavamlı əlcəklər
Yüksək temperatur və istilik mənbələri ilə işləyən zaman əllərin qorunması üçün istifadə olunur. İstehsalat, metal emalı və digər yüksək temperatur riski olan sahələrdə tətbiq edilir.
Düzgün işçi əlcəyi necə seçmək olar?
Əlcək seçərkən ilk növbədə iş zamanı hansı risklərlə qarşılaşdığınızı müəyyənləşdirmək lazımdır.
Əsas seçim meyarları:
- İşin xarakteri
- Mövcud risklər
- Tələb olunan qoruma səviyyəsi
- Əlcəyin materialı və konstruksiyası
- Əlin rahat hərəkəti və tutuş
- Düzgün ölçü
- Məhsulun müvafiq standartlara uyğunluğu
Unutmaq olmaz ki, ən yaxşı əlcək bütün işlər üçün eyni deyil. Doğru seçim konkret iş şəraitinə uyğun qoruma təmin edən əlcəkdir.
Əlcəklərdə standartlara niyə diqqət edilməlidir?
Qoruyucu əlcək seçərkən məhsulun standartlara uyğunluğu da mühüm meyardır. Standartlar əlcəyin hansı risklərə qarşı və hansı səviyyədə qoruma təmin etdiyini müəyyənləşdirməyə kömək edir.
Məsələn, mexaniki risklərdən qoruyan əlcəklərdə EN 388 standartına rast gəlinir.
EN 388 standartının göstəricilərinin necə oxunduğunu və rəqəmlərin nə ifadə etdiyini ayrıca bloqumuzda ətraflı izah edəcəyik.
SAFE PROTECTION-da qoruyucu iş əlcəkləri
SAFE PROTECTION-də müxtəlif iş sahələri üçün fərqli qoruma xüsusiyyətlərinə malik qoruyucu iş əlcəkləri təqdim olunur.
Məhsul çeşidimizdə mexaniki, montaj, qaynaq, neft və yağlara qarşı, kəsilməyə davamlı, kimyəvi, birdəfəlik, dielektrik və istiliyədavamlı əlcəklər yer alır.
İş şəraitinizə və tələb olunan qoruma səviyyəsinə uyğun əlcək seçimi üçün məhsullarımızın texniki xüsusiyyətlərini nəzərdən keçirə bilərsiniz.